ამიტომ ვართ დღეს ყველაზე მგლოვიარე და დაზარალებული ქვეყანა - ნინო ლომჯარია

სახალხო დამცველი ნინო ლომჯარია კორონავირუსის პანდემიას და ანტივაქსერულ განწყობებს ეხმაურენა. მისი თქმით, ხელისუფლებას აქვს სტრატეგია, რაც პანდემიის მართვას, ხოლო პარალელურ რეჟიმში ეკონომიკური ზრდის მიღწევას და სტაბილური საარჩევნო სისტემის მიღწევას გულისხმობს. მისი თქმით, საზოგადოებრივი ჯანდაცვა პოლიტიკური ზეგავლენის ქვეშ მოექცა და მის მმართველ ორგანოებს წინააღმდეგობის გაწევის თავი არ აღმოაჩნდა. 

 

"არ არის სიმართლე, რომ ხელისუფლებას არ ჰქონია კოვიდის მართვის პოლიტიკა - მას ჰქონდა პოლიტიკა და ეს პოლიტიკა გულისხმობდა: საზოგადოების ჯანმრთელობის და მრავალი ადამიანის სიცოცხლის რისკის ხარჯზე ეკონომიკური ზრდის მიღწევას; 

 

კანონდამრღვევი მოქალაქეების წინასაარჩევნოდ გულის მოგებას პირბადეების ტარების ვალდებულების გაუქმებისა და ჯარიმების ჩამოწერის გზით 

 

აცრების პოპულარიზაციის აქტიური კამპანიის წარმოებაზე უარის თქმას ანტივაქსერების მრავალრიცხოვანი ჯგუფის მხარდაჭერის დაკარგვის შიშით.

 

ოპოზიციის პოლიტიკა იყო ეთქვა ყველაფერი საწინააღმდეგო, რასაც ხელისუფლება გააკეთებდა.

 

ხოლო წესით დამოუკიდებელი ინსტიტუტი, რომელსაც საზოგადოებრივი ჯანდაცვა აბარია მოექცა პოლიტიკური ზეგავლენის ქვეშ და ვერც წინააღმდეგობის გაწევის თავი აღმოაჩნდა.

 

ასე იქნება ყველა სფეროში, სანამ უცოდინარი პოლიტიკოსები პირადი ინტერესებიდან გამომდინარე იმოქმედებენ და სანამ დამოუკიდებელი ინსტიტუტები იქნებიან მათთან თვალებში შემციცინე პოზაში.

 

ამიტომ ვართ დღეს ყველაზე მგლოვიარე და დაზარალებული ქვეყანა... 74 ადამიანი დავკარგეთ მხოლოდ 1 დღეში...", - განაცხადა ნინო ლომჯარიამ. 

21-08-2021, 20:04    

მიმდინარეობს თუ არა ქვეყანაში ეკონომიკური ზრდა?

კი
არა
არვიცი