ქრება თუ არა ვაქცინაციის შემდეგ პოსტ-კოვიდ სიმპტომები?

COVID-19 გადატანილი პაციენტების ნაწილი ამტკიცებს, რომ ვაქცინაციის შემდეგ დაავადების სიმპტომები, რომლებიც გამოჯანმრთელების შემდეგაც აღენიშნებოდათ, გაუქრათ. ამის შესახებ ფრანგული გამოცემა Le Figaro წერს.

 

 

აქრობს თუ არა ვაქცინაცია პოსტ-კოვიდ სიმპტომებს ამასთან დაკავშირებით მეცნიერებს ერთმანეთისაგან განსხვავებული მოსაზრებები აქვთ.

 

 

რაიმონდ პუანკარის საუნივერსიტეტო საავადმყოფოს ექიმის, ბენჯამინ დავიდოს განცხადებით, ბრისტოლის უნივერსიტეტში მკვლევრებმა 44 პაციენტის მონაცემები შეისწავლეს, რომლებსაც კორონავირუსისგან გამოჯანმრთელებიდან 8 თვის განმავლობაში დაღლილობა, სუნთქვის გაძნელება და უძილობა აღენიშნებოდათ. კვლევის შედეგებით, რომელიც ჯერ ოფიციალურად არ გამოქვეყნებულა, შეგვიძლია ვივარაუდოთ, რომ Pfizer/BioNTech-ისა ან AstraZeneca-ს ვაქცინით აცრის შემდეგ, ზოგიერთმა პაციენტს პოსტ-კოვიდ სიმპტომები გაუქრა.

 

 

პარიზის, Hôtel Dieu Hospital-ის საავადმყოფოს ექიმი, დომინიკ სალმონი აცხადებს, რომ მრავალი პაციენტი, რომლებსაც პოსტ-კოვიდ სინდრომი აწუხებს,  ვაქცინაციას ერიდება, იმის შიშით, რომ სიმპტომები გამწვავდება. პროფესორმა, 40 პაციენტის მონაცემების შესწავლის საფუძველზე დაასკვნა, რომ პაციენტების 20%-ს ვაქცინაციის შემდეგ  ვირუსის რეაქტივაციის ნიშნები (სუნთქვის გაძნელება ან ყნოსვის დარღვევა) აღენიშნებოდა. ხოლო, 15%-ს პოსტ-კოვიდ სიმპტომები ვაქცინაციიდან 2 კვირის შემდეგ დროებით შეუმსუბუქდა.

 

 

ამ თემის ირგვლივ დამოუკიდებელ კვლევას ატარებს იელის მედიცინის სკოლაც (აშშ). კვლევის შედეგები ზაფხულის ბოლოსთვის იქნება ცნობილი.

11-05-2021, 17:38    

მიმდინარეობს თუ არა ქვეყანაში ეკონომიკური ზრდა?

კი
არა
არვიცი