სასწრაფოდ გასავრცელებლად - სურსათის ეროვნული სააგენტო მოსახლეობას აფრთხილებს

სურსათის ეროვნული სააგენტო აფრთხილებს მოსახლეობას, არ მიირთვას შპს "რაჭას", შპს "გიოს", შპს "პროგრესი ალვანისა" და შპს "პინოს" მიერ წარმოებული გაყინული ხინკალი და პელმენი.

 

როგორც სურსათის ეროვნული სააგენტოს მიერ გავრცელებულ ინფორმაციაშია ნათქვამი, ჩამოთვლილ პროდუქციაში აღმოჩენილია პათოგენური მიკროორგანიზმი "ლისტერია მონოციტოგენეზი", რომელიც საფრთხეს უქმნის ადამიანის, განსაკუთრებით კი ბავშვებისა და ორსული ქალების სიცოცხლესა და ჯანმრთელობას.

 

უცვლელად გთავაზობთ სურსათის ეროვნული სააგენტოს მიერ გავრცელებულ მიმართვას.

 

 

სურსათის ეროვნული სააგენტო აფრთხილებს მოსახლეობას, არ მიირთვას შპს "რაჭას", შპს "გიოს", შპს "პროგრესი ალვანისა" და შპს "პინოს" მიერ წარმოებული გაყინული ხინკალი და პელმენი, რადგან მათში აღმოჩენილია პათოგენური მიკროორგანიზმი "ლისტერია მონოციტოგენეზი", რომელიც საფრთხეს უქმნის ადამიანის, განსაკუთრებით კი ბავშვებისა და ორსული ქალების სიცოცხლესა და ჯანმრთელობას.

 

შპს "პინოს" მიერ წარმოებულ პელმენში აღმოჩენილია ასევე სალმონელა, რომელიც საკვებისმიერი ინფექციური დაავადების - სალმონელოზის გამომწვევია და ადამიანს სურსათითა და წყლით გადაეცემა; ხასიათდება მრავალფეროვანი კლინიკური გამოვლინებებით.. სალმონელოზი მიმდინარეობს უპირატესად საჭმლის მომნელებელი ორგანოების დაზიანებით; ახასიათებს გულისრევა, ღებინება, საერთო სისუსტე, ტკივილი მუცლის არეში, შემცივნება, ტემპერატურის მომატება.

შპს "რაჭას", შპს "გიოს", შპს "პროგრესი ალვანსა"

 

და შპს "პინოს" არაგეგმური ინსპექტირების შედეგად საწარმოო პროცესი შეუჩერდათ და ბიზნესოპერატორები 1000-1000 ლარით დაჯარიმდნენ. კანონმდებლობის შესაბამისად, მათ დაევალათ, უმოკლეს ვადაში გამოითხოვონ ბაზრიდან ყველა დასახელებისა და პარტიის სურსათი. 

სურსათის ბაზრიდან გამოთხოვასა და განადგურებაზე ზედამხედველობას განახორციელებს სურსათის ეროვნული სააგენტო", - ნათქვამია განცხადებაში.

 

 

 

 

 

ambebi.ge

 

 

 

 

 

 

18-03-2015, 13:47    

გაკმაყოფილებთ თუ არა პიარ მენეჯერების დონე?

კი
არა
არ ვიცი